Í gegnum árin hef ég fylgst með Víðavangshlaupi Hafnarfjarðar á sumardaginn fyrsta. Á sumardaginn fyrsta 2020 bar svo við að hlaupið féll niður vegna samkomutakmarkana. Ég fékk helstu forkólfa hlaupsins undanfarin ár til að mæta á Víðistaðatún og segja frá framkvæmd hlaupsins, og reyna með sér.
Einnig ræddi ég við Björn Pétursson, bæjarminjavörð, um sögu hlaupsins, en Björn ritaði sögu FH á sínum tíma.
Inn á milli skeyti ég stuttum bútum og klippum frá sumardeginum fyrsta á ýmsum tíma, þar sem tónlistarfólk í Fríkirkjunni, eldri Þrestir og fleiri koma við sögu.
Gleðilegt sumar,
Halldór Árni.
